پەیامی کورد   ...    کۆڵبەرێكی بریندار لە دۆخی خراپی جەستەیی و پێویستی بە نەشتەرگەرییەكی خێرا هەیە

زانیار سیاحی، كۆڵبەرێك گەنجی خەڵکی بانە و خاوەنی دوو منداڵ، کە پێشتر بەهۆی تەقەی هێزەکانی هەنگی سنوورییەوە قاچی بە سەختی بریندار بووە، باری تەندروستیی ناجێگیرە و پێویستی بە نەشتەرگەری خێرا هەیە.

بەپێی سەرچاوە ناوخۆییەکان، ئەو كۆڵبەرە لەو كاتەی كە بە گوللەی ساچمە لێیدراوە، بە زیاتر لە ٤٠٠ ساچمە لە قاچی دا لە دۆخێكی خراپ دایە و ئازارێكی زۆر دەچێژێ. دۆخی ناوابراو بەهۆی دست ڕانەگەیشتن بە چارەسێكی گونجاو، ڕوو لە خراپ بوون دەچێت و پزیشکەکانیش ڕایانگەیاندووە ئەگەر نەشتەرگەری بەپەلەی بۆ نەكرێت، ڕەنگە دەرئەنجامێكی چاوەڕواننەكراوی هەبێ.

ئەم ڕووداوە جارێکی دیکە سەرنجی بۆ بارودۆخی سەخت و مەترسیداری کۆڵبەران لە ناوچە سنوورییەکانی کوردستان ڕاکێشاوە. 

چالاکوانانی مافی مرۆڤ داوا دەکەن بەپەلە بەدواداچوون بۆ دۆخی زانیار سیاحی بکرێت و خەرجییە پزیشکییەکانی وەئەستۆ بگرن.