"2ê Nîsanê wê weke rojeke herî girîng a Amerîkayê têkeve dîrokê"
PeyamaKurd – Berdevka Qesra Spî Karoline Leavitt got, "2ê Nîsana 2025an wê weke rojeke herî girîng a dîroka nûjen a Amerîkayê têkeve dîrokê."
Berdevkê Qesra Spî Leavitt di civîneke çapemeniyê de pirsên li ser rojevê yên der barê baca dualî de bersivand.
Leavitt bal kişand ser bacên gumrikê yên dualî yên ku wê sibê dest bi sepandinê bikin, Leavitt destnîşan kir ku heta îro ji hêla gelek welatan ve bi awayekî neheq bac hatiye stendin.
Leavitt da zanîn ku dema Serokê DYAyê Donald Trûmp hat ser kar ev rewş guherî û wê niha bi qasî baca gumrikê ya li ser DYAyê hatiye danîn, li ser her welatekî heman bacê bisepînin.
"2ê Avrêla 2025an wê di dîroka nûjen a Amerîkî de wekî yek ji rojên herî girîng derbas bibe. Welatê me yek ji aboriyên herî vekirî ye li cîhanê ye û em xwedan bingeha herî baş a xerîdar in, lê dîsa jî gelek bazarên biyanî ji hinardekirina me re girtî dimînin. Ev bi rastî neheqî ye. Ev êdî tê guhertin.”
Berdevkê Amerîkayê got: “Ji sibe û pê de rojên talankirina Amerîkîyan wê li paş me bin. Heke hûn hilberîna xwe li Amerîkayê çêkin, hûn bacên gumrikê nadin. Ewqas hêsan e."
Leavitt diyar kir ku ji ber vê siyaseta Trump, şirketên mezin ji bo ku ji dayîna baca gumrikê dûr nekevin, beriya niha bi milyaran dolar veberhênan li Amerîkayê ragihandine û ev yek wê bidome û di dawiyê de ev siyaset wê xizmeta berjewendiyên gelê Amerîkayê bike û her kes pê kêfxweş bibe.
