Di erdheja Myanmarê de hejmara miriyan zêde bû
PeyamaKurd – Hat ragihandin ku hejmara miriyên erdhejên bi lerza 7,7 û 6,4an a li Myanmarê derket 3 hezar û 85an.
Li gorî malpera Myanmar Now, li gorî daxuyaniya Berdevkê Hikûmeta Leşkerî Sererkan Zaw Min Tun, di erdheja 28ê Adarê de hejmara miriyan gihîştiye 3 hezar û 85 kesan û hejmara birîndaran jî gihîştiye 4 hezar û 715 kesan.
Zaw Min Tun piştrast kir ku artêşê gule berdan karwaneke Civaka Xaça Sor a Çînê ku ber bi parêzgeha Şanê ya bakur ve diçû ji bo gihandina alîkariyan bo deverên erdhejzedîtî.
Têkildarî konvoya 9 wesayîtan a ku dixwest ji herêma di bin kontrola Artêşa Rizgariya Neteweyî ya Taangê de derbas bibe, Tûn got, "Me hewl da ku konvoyê rawestînin lê nesekinîn. Pişt re me ji 100 metre dûrî guleyên hişyariyê berdan."
Di 28ê Adarê de li nêzî herêma Sagaing a navenda Myanmarê du erdhejên bi mezinahiya 7,7 û 6,4 pêk hatin. Erdhej li Tayland û Çînê jî bi tundî hat hîskirin.
