DYA cezayên tund li ser keştiyên ji Rûsyayê ferz dike
PeyamaKurd – Tê gotin ku dibe ku DYA hewl bide keştiyên ku petrola Rûsyayê hildigirin ji Deryaya Baltîkê re derbas bibin qedexe bike.
Li ser zarê çavkaniyên ku bi mijarê haydar in, qunciknivîsê Fox News Jackie Heinrich pêşniyar kir ku DYA dikare "cezayên tund" li ser keştiyên ku petrola Rûsyayê hildigirin ferz bike û hewl bide ku derbasbûna van keştiyan di Deryaya Baltîkê re qedexe bike.
Heinrich di parvekirina xwe ya li ser platforma medyaya civakî Xê de, got, "Rêveberiya Dewletên Yekbûyî yên Amerîkayê, li dijî 'fîloya siya' ya Rûsyayê jî di nav de, cezayên tund difikire."
Heinrich diyar kir ku Washington bandora cezayên heyî yên li dijî Rûsyayê di asta '3 ji 10'an de dinirxîne û îdia kir ku di nav tedbîrên nû yên muhtemel de, DYA dikare hewl bide keştiyên ku petrola Rûsyayê hildigirin ji Deryaya Baltîkê re qedexe bike.
Rûsyayê bi berdewamî got ku ew ê li hemberî zextên ji ber cezayên rojavayî yên ku çend sal berê dest bi sepandina wan kiribûn û her ku diçe girantir dibe, rabe. Karbidestên Rûsî dan zanîn ku Rojava wêrek nebû ku qebûl bike siyaseta wê ya cezayan têk çûye. Pisporên Rojava jî gelek caran nêrîna xwe anîn ziman ku cezayên ku li ser Rûsyayê hatine sepandin ne bandor in.
Serokê Rûsyayê Vladimîr Pûtîn pêştir ragihandibû ku siyaseta rojava ya dorpêçkirin û lawazkirina Rûsyayê stratejiyeke demdirêj e, di heman demê de sizayan derbeke giran li tevahiya aboriya cîhanî xist û tekez kir ku armanca rastî ya Rojava xirabkirina jiyana bi milyonan kesan e.
