Hûsiyan êrîşî ser Balafirgeha Ben Gurion a Îsraîlê kirin
PeyamaKurd – Hûsiyên Yemenê ragihandin ku wan bi moşekên balîstîk êrîşî Balafirgeha Ben Gurion a paytexta Îsraîlê Tel Avîvê kirin.
Berdevkê leşkerî yê Hûsiyan Yahya Serî di daxuyaniyeke vîdyoyî de ku li ser hesabên xwe yên medyaya civakî belav kir, ragihand ku Hêzên Çekdar ên Yemenê (girêdayî Hûsiyan) bi moşekeke balîstîk "Zulfikar" Balafirgeha Ben Gurion kirine armanc.
Serî bal kişand ser vê yekê ku êriş bi serketî hat kirin û got ku êrişên Amerîkayê nekarîn rê li ber berdewamiya êrişên piştevaniya Yemenê li dijî gelê Filistînê bigrin.
Di daxuyaniya berê ya artêşa Îsraîlê de hatibû ragihandin ku ji ber moşeka ku ji Yemenê hatiye avêtin li gelek deverên welêt sîren hatine lêxistin.
Di daxuyaniyê de hat îdiakirin ku moşek beriya ku bikeve qada hewayî ya Îsraîlê hatiye astengkirin.
Polîsê Îsraîlî ragihand ku wan raporên ketina şarapnelê li hin deverên rojavayê Qudsê girtine.
Hat ragihandin ku ti agahî derbarê ziyanên canî û madî de çênebûne.
