Iraq | Nêzîkî 6,000 agir di şeş mehên pêşîn ên salê de hatine tomarkirin
PeyamaKurd – Li gorî amarên fermî, di şeş mehên pêşîn ên salê de nêzîkî 6,000 agir li Iraqê hatine tomarkirin.
Roja Şemiyê, 9ê Tebaxa 2025an, otobusek ku mêvanên Îranî hildigirt li Kerbelayê agir pê ket. Hêzên ewlehiyê û agirkujan karîn agir bêyî ku tu qurbanî çêbibin vemirînin. Di heman rojê de, li Babilê agirê mezin li deverek daristanî derket.
Wekî din, di du rojên borî de gelek agirên din li deverên cûda yên Iraqê derketin. Her çend tu qurbanî çênebûn jî, lê wan zerara madî ya girîng çêkir.
Di nîvê Tîrmehê de, di agirê ku li navendeke kirînê ya pênc qatî li Kut, parêzgeha Wasit derket de 61 kes mirin.
Endamê Komîsyona Xizmetguzariyê ya Parlamentoya Iraqê Baqir Saadi diyar kir ku piştî agirê li Kut, zêdetirî 1,000 sazî li Iraqê hatine girtin.
Li gorî amarên herî dawî yên Wezareta Karên Hundir a Iraqê, di şeş mehên pêşîn ên salê de 5,544 şewat çêbûne. Li gorî daneyên Odeya Bazirganiyê ya Diyalayê, zerara salane ya ji ber şewatan li Iraqê bi qasî 30 milyar dînar tê texmînkirin.
