Îsraîlê başûrê Lubnanê bombebaran kir

PeyamaKurd – Medyaya Lubnanê ragihand ku balafirên bêmirov ên Îsraîlê îro 30yê Adarê danê sibehê li bajarokê Keferkêla yê başûrê Lubnanê gelek mal bombebaran kirin.

Ajansa National News a Lubnanê (ANN) doh jî ragihandibû ku li taxa rojava ya Kefer Şoba ya navçeya Hasbeya gelek mal û erebeyan zirar dît.

Hate diyarkirin ku balafireke Îsraîlê, li bajarokê Yarûn ê navçeya Bin Cibêl 2 bombeyên deng avêtin.

Hêzên Îsraîlê roja îna borî jî êrîşeke berfireh li taxên başûrê Beyrûtê dabû destpêkirin.

Hêjayî gotinê ye, piştî bidawîbûna agirbesta ligel Hizbullahê herdu aliyan êrîşan li dijî hevdu dane destpêkirin.

Ev nivîs 61 car hatiye xwendin.