Îsraîl wê baca gumrukê ya li ser hemû berhemên Amerîkî rake
PeyamaKurd – Îsraîl ragihand ku ew ê baca li ser hemû kelûpelên ji mezintirîn hevkarê xwe yê bazirganiyê Amerîka rake.
Li gor daxuyaniya hevpar a Ofîsa Serokwezîrtiya Îsraîlê, Wezareta Darayî û Wezareta Aborî û Pîşesazîyê, hikûmeta bi serokatiya Serokwezîr Benjamin Netanyahu biryar da ku hemû baca gumrikê ya berhemên ku ji Amerîkayê tên betal bike.
Di daxuyaniyê de herwiha hat bibîrxistin ku bi peymana bazirganiya azad a ku di sala 1985an de bi DYAyê re hat îmzekirin, Îsraîl niha li ser piraniya kelûmelên ku ji wî welatî tên (ji sedî 99) baca gumrukê ferz nake.
Di daxuyaniyê de hat gotin ku mûafiyeta bacê ya berhemên ku ji Amerîkayê tên îthalkirin wê bi hejmareke sînordar a berhemên di kategoriya xurek û çandiniyê de destpê bike û paşê li ser hemû berheman were sepandin û rakirina baca gumrikê ya li ser xurek û berhemên çandiniyê wê mesrefa jiyana gelê Îsraîlê kêm bike.
Hat ragihandin ku di sala 2024an de îxracata kelûpelên Îsraîlê ya ji bo Amerîkayê 17,3 milyar dolar û îxracata xizmetê jî wê bibe 16,7 milyar dolar.
Netanyahu derbarê biryara rakirina baca li ser kelûmelên Amerîkî de got, "Rakirina baca li ser kelûmelên Amerîkî gaveke zêde ye di siyaseta deh salan a hikûmetên ku min pêşengiya wê kiriye de ji bo vekirina bazarê ji reqabetê re, cihêrengkirina aboriyê û kêmkirina lêçûnên jiyanê. Ji bilî feydeyên aborî yên ku dide bazarê û hemwelatiyên Israîlî, hewlên heyî wê bihêle ku em hemû hêz û hevkariyê bi hêz bikin."
Wezîra Maliyeyê Bezalel Smotrich: "Daxuyaniya baca gumrikê wê ji bo dewleta Îsraîlê baş be. Ev yek li gorî polîtîkaya hikûmetê ya têkoşîna li dijî maliyeta jiyanê ye. Heta wê di sektora xurekan de reqabetê zêde bike."
