Ji Îsraîlê pêşniyareke nû ya agirbestê
PeyamaKurd – Hate ragihandin ku hikûmeta Îsraîlê li beramberî pêşniyara Misrê ya agirbesta Xezeyê pêşniyareke nû kiriye û ji bo wê agirbestê jî meha Nîsanê tê bilêvkirin.
Li gorî rojnameya Yedioth Ahronoth, hêvî heye Îsraîl di navbera 15-20ê Nîsanê de, beriya Cejna Fisihê bi Hemasê jî agirbesteke nû ya Xezeyê pêk bîne.
Di nûçeyê de hatiye diyarkirin ku Îsraîlê li hember pêşniyara Misrê ya azadkirina 5 dîlên îsraîlî yên li Xezeyê, pêşniyara berdana 10 dîlan kiriye.
Herwiha Nivîsgeha Serokwezîrê Îsraîlê Binyamîn Netanyahû jî piştrast kiriye ku wan pêşniyareke nû li beramberî pêşniyara agirbestê ya navbeynkaran kiriye û civîneke şêwrê jî li ser hatiye encamdan.
Hate diyarkirin ku pêşniyara agirbestê bi hemahengiya Amerîkayê hatiye kirin.
Ev nivîs 62 car hatiye xwendin.
