Lavrov û Wang Yi krîza Ukraynayê gotûbêj kirin
PeyamaKurd – Wezîrê Derve yê Rûsyayê Sergey Lavrov û Wezîrê Derve yê Çînê Wang Yi li ser gelek mijarên herêmî û navdewletî, ji wan krîza Ukraynayê, rewşa ewlehiyê li herêma Asya-Pasîfîk û bernameya atomî ya Îranê gotûbêj kirin.
Di daxuyaniya Wezareta Karên Derva ya Rûsyayê da hat destnîşankirin ku Wezîrê Karên Derva Sergey Lavrov bi hemtayê xwe yê Çînê Wang Yî re krîza Ukraynayê nirxand û di hevdîtinê de hat destnîşankirin ku divê sedemên bingehîn ên şer û pevçûnên li Ukraynayê bên rakirin.
Di daxuyaniyê de hat gotin, "Di hevdîtina Sergey Lavrov û Wang Yi de, li ser bernameya pêşerojê ya têkiliyên dualî yên di asta bilind de, herwiha li ser mijarên hevkariya pratîk û însanî de danûstandineke kûr hat kirin. Aliyan li ser perspektîfên çareserkirina krîza Ukraynayê axivîn û tekez kirin ku ji bo bidestxistina peymaneke aştiyê ya mayînde, divê sedemên bingehîn ên pevçûnê li Ûkraynayê bên rakirin."
Di daxuyaniyê de hat destnîşankirin ku wezîrên karên derve yên Rûsya û Çînê li ser mijarên curbicur ên berjewendiyên hevpar ên Rûsya û Çînê, wekî metirsiyên ewlehiyê li herêma Asya-Pasîfîkê gotûbêj kirin û ev tişt hatin gotin: Wezîrên karên derve yên her du welatan li ser mijarên navneteweyî gotûbêj kirin û girîngiya zêdekirina hevahengiyê di NY, SCO, BRICS, G20, APEC û mekanîzma û forumên din ên piralî de anîn ziman. Wezîran herwiha li ser metirsiyên nû yên ewlehiyê yên li herêma Asya-Pasîfîkê jî sekinîn. Di vê hevdîtinê de mijarên herêmî yên wekî rewşa nîvgirava Koreyê, bernameya nukleerî ya Îranê, rewşa Asyaya Navîn û pêşbîniyên dirustkirina avahiyeke nû ya ewlehiyê li Avrasyayê di nava rawestana mekanîzmayên Euro-Atlantîkê de hatin gotûbêjkirin.
Di daxuyaniyê de hat destnîşankirin ku hevdîtin di atmosfereke dostane û vekirî de pêk hat û wezîran li ser mijarên bingehîn ên hevkariya dualî û mijarên di rojeva cîhanê de bal kişandin ser hev û nêzîkbûna helwestan.
