Li Siwêdayê jinên Durzî hêzeke nû li dijî Şamê damezrand
PeyamaKurd – Hate ragihandin ku ji bo parastina mafê hemû jinan û bihêzkrina jinên Durzî, jinên Siwêdayê xwe Meclîsa leşkerî ya Siwêdayê ragihand.
Di daxuyaniyê de fermandarên Meclîsa leşkerî ya Siwêdayê û endamên Ofîsa siyasî û gelek fermandarên jin amade bûn.
Bi navê Ofîsa têkiliyên leşkerî ya Siwêdayê Cîhan EL-Mihîsawî got: “Gelê Siwêdayê û Durzî sîstema desthilata Şamê qebûl nakin. Ji bo vê jî di dema dawî de hêzên desthilata Şamê gelek êriş li ser me pêk anîn û xwestin îradeya me bişkînin. Her wiha ji bo parastina mafê jinan û bihêzkirina jinên Durzî me Yekîneyên leşkerî yên jinan li Siwêdayê ava kir. Yekîneyên leşkerî yên jinan wê ji bo pêkanîna aramiyê û misogerkirina mafên gel û jinan bi hevkarî û yekitiyê bi hemû aliyan re bi pêş bixe. Her wiha di daxuyaniyê de hate diyar kirin ku ew di wê baweriyê de ne ku çareseriya domdar a krîza Sûriyê, di pejirandina sîstema nenavendî de ye.”
Herwiha Meclîsa Leşkerî ya Siwêdayê biryar da ku di vê dema komkujî li beravên Sûriyê pêk tên de çekên xwe radest nakin û ew ê çekê ji bo parastina herêmê di destê xwe de bihêlin.
Ev nivîs 64 car hatiye xwendin.
