Li Slovakyayê gel serokwezîr protesto kir

PeyamaKurd – Li Bratîslavayê xwepêşander li dijî serdana Serokwezîr Fico ya bo Moskowê û helwêsta wî ya pro-Rûs rabûn.

Duh, li paytext Bratîslavayê û bajarên din ên Slovakyayê xwepêşanderan serdana Robert Fico ya Rûsyayê protesto kir. 

Robert Fico ku yekane serokê Yekîtiya Ewropayê ye ku beşdarî pîrozbahiyên 80emîn salvegera serkeftina Şerê Cîhanê yê Duyem li Moskowê bû, rastî rexneyan hat.

Li Qada Azadiyê, ya Bratîslavayê bi dirûşmeya “Slovakya Ewropa ye” nerazîbûn hat nîşandan. 

Vladîmîr Pûtîn di pîrozbahiyê de pesnê hêzên Rûsî yên li Ûkraynayê veda. 

Robert Fico daxwaza têkiliyên “dostane” yên li gel Rûsyayê kir.

Ev xwepêşandanên dawî li protestoyên li dijî hevdîtina wî ya Kanûnê bi Pûtin re bûn. 

Robert Fico, ku di 2023yan de bi partiya Smer vegeriya desthilatê, ji ber nêrînên xwe yên pro-Rûs û dij-Ewropî tê rexnekirin. Rêveberiya wî ji ber Euroskeptîsîzmê û gefên vekişîna ji NATOyê rastî nerazîbûnan tê.

 

 

Ev nivîs 39 car hatiye xwendin.