Serokkomarê Iraqê bi Hakan Fîdan re civiya
PeyamaKurd – Serokomarê Iraqê Ebdulletîf Reşîd li paytext Bexdayê Wezîrê Derve Hakan Fîdan û şandeya pê re pêşwazî kir û li ser derfetên hevkariyê di warên av û cûrbecûr de, herwiha hewldanên ji bo xurtkirina ewlehî û aramiya herêmî nîqaş kirin.
Ofîsa Çapemeniyê ya Serokkomarê Iraqê derbarê civînê de daxuyaniyek nivîskî weşand.
Di civînê de têkiliyên di navbera her du welatan de, derfetên hevkariyê di warên cûrbecûr de, pêşketinên li herêmê û hewldanên ji bo xurtkirina ewlehî û aramiya herêmî hatin nîqaşkirin.
Serokkomarê Iraqê pabendbûna welatê xwe bi siyaseta xwe ya vekirin û pêşxistina hevkariyan, û herwiha nêzîkatiya xwe ya ji bo avakirina têkiliyên cîrantiya baş bi welatên herêmê û cîhanê re tekez kir.
Reşîd tekez kir ku pêdivî bi pejirandina siyasetek avê ya dadperwer heye ku wê mafên avê yên bidestxistî yên Iraqê li çemên Dîcle û Firatê garantî bike û girîngiya hevkariyê ji bo baştirkirina rêveberiya çavkaniyên avê, kêmkirina bermayiyan û misogerkirina ewlehiya avê ya domdar tekez kir.
Wezîrê Karên Derve Hakan Fîdan jî tekezî li ser biryardariya Tirkiyê ya ji bo xurtkirina têkiliyên dualî bi Iraqê re û vekirina asoyên nû yên hevkariyê di warên cûrbecûr de kir û diyar kir ku divê derfetên piştgiriya berjewendiyên hevbeş û zêdekirina danûstandin û hevrêziya di navbera her du welatan de berfireh bibin.
