Swêdê vegerandina neçarî ya penaberên Sûrî rawestand

PeyamaKurd – Welatê Swêdê ji ber nediyarî û nebûna ewlehiyê piştî hilweşîna rejîma Esed li Sûriyê, vegerandina penaberên Sûrî bo welatê wan rawestand.

Li gorî ragihandina rojnamevanê Kurd li Swêdê Kurdo Baksî bo K24ê, Dezgeha Koçberan a Swêdê biryara vegerandina penaberên Sûriyeyî ji welatê xwe rawestandiye.

Wekî sedem jî dibêjin, ji bo vegerandina wan zû ye, ji ber ku rewş hê li Sûriyeyê asayî nebûye û dahatûya Sûriyê jî nediyar e.

Berpirsê Pişka Qanûnî ya Dezgeha Koçberan a Swêdê jî ragihandiye ku niha Swêd li ser pêşniyara vegerandina koçberên Sûrî kar dike, lê ji bo vegerandina wan penaberan hê zû ye, lewma Dezgeha Koçberan a Swêdê biryarek ji bo redkirina doza penaberiyê li ser vegerandina bi awayekî demkî derxistiye.

Hêjayî gotinê ye, li gorî amarên sala 2019an li Swêdê 240 hezar û 997 welatiyên Sûriyeyî dijîn. Ji sala 2011an ve bi giştî nêzî 1.18 milyon welatiyên Sûriyeyî berê xwe dane welatên Ewropayê ku 189 hezar li Swêdê xwecih bûne.

Ev nivîs 46 car hatiye xwendin.