Tom Barrack li ser "Swêydayê" daxuyanî da
PeyamaKurd - Nûnerê Taybet ê Amerîkayê yê ji bo Sûriyeyê Tom Barrack derbarê pêşketinên dawî yên li Swêydayê de daxuyaniyek belav kir û diyar kir ku ew ji bo çareseriyek aştiyane û berfireh danûstandinên rasterast dikin.
Du roj berê li Swêydayê piştî ku komên Durzî wesayîtên eşîrên Erebên Bedewî desteser kirin, pevçûnên çekdarî dest pê kirin.
Barrack ku li ser platforma medyaya civakî X derbarê pevçûnan de daxuyaniyek belav kir, diyar kir ku ew bi hemî aliyên li Sûriyeyê re bi awayekî çalak dixebitin da ku ber bi danûstandinên entegrasyonê yên aram û berhemdar ve biçin.
Barrack di daxuyaniyekê de got, "Pevçûnên dawî yên li Swêydayê ji bo hemî aliyên têkildar alarmê didin û em dixebitin ku ji bo eşîrên Durzî, Bedewî, hikûmeta Sûriyeyê û hêzên Îsraîlê encamek aştiyane û berfireh bi dest bixin. Rêveçûna şaş, tevlihevî û ragihandina xirab astengiyên herî mezin in ji bo bidestxistina entegrasyonek aştiyane û bi hizir a berjewendiyên her du aliyan. Em bi hemî aliyan re di danûstandinên rasterast, çalak û berhemdar de ne da ku ber bi aramî û entegrasyonê ve biçin," Barrack di daxuyaniyekê de got.
