Trump: Ger bi Îranê re lihevkirin çênebe, em ê êrîş bikin
PeyamaKurd – Serokê Amerîkayê Donald Trump hişyarî da Îranê ku eger peymana nukleerî red bikin wê rastî êrîşên "bêmînak" bên.
Trump ji NBC re axivî û got, eger Îran li ser bernameya xwe ya nukleerî bi DYAyê re li hev neke, wê bibe hedefa êrîşên DYAyê û wê bibe hedefa moşekên bêhempa.
Trump da zanîn ku ew ê ji bilî êrîşên leşkerî cezayên gumrikê jî bi cih bînin, Trump gefa zêdekirina cezayên leşkerî, aborî û gumrikê xwar.
Serokê Amerîkayê Trump jî diyar kir ku hevdîtinên rayedarên Amerîkayê û Îranê dewam dikin.
Berpirsekî pilebilind ê leşkerî yê Îranê roja Yekşemê (30ê Adarê) ji rojnameya The Telegraph a Brîtanî re got ku Tehran wê baregeha Okyanûsa Hindê bike armanc "wek berteka her êrîşeke Amerîkî".
Berpirsekî ku nexwest navê xwe eşkere bike, ji rojnameyê re got: "Eger Îran ji her baregehekê li herêmê were êrîş kirin, wê ti ferq nake ka ew hêzên Brîtanya an Amerîkî ye bike armanc."
Rayedar diyar kir ku eger Amerîka her yek ji baregehên xwe, çi leşkerê Amerîkî be, çi leşkerê Brîtanî be, çi jî serbazê Tirkiyê be, teqez wê rojekê bibin armanc.
