Zelenskyy: Êrîşên esmanî yên Rûsyayê yên tund berdewam in
PeyamaKurd – Serokê Ukraynayê Volodymyr Zelenskiy diyar kir ku artêşa Rûsyayê di hefteya dawî de bi hezar û 310 bombeyên rênîşander, zêdetirî 1000 balafirên bêmirov û 9 moşekan êrîşî welatê wî kiriye.
Zelenskiy di daxuyaniya xwe ya li ser hesabê xwe yê medyaya civakî de ragihand ku îşev artêşa Rûsyayê li Xarkovê êrîşeke hewayî pêk aniye.
Zelenskiy ku da zanîn ku di êrîşê de 2 kes mirin û 30 kes jî birîndar bûn, diyar kir ku tenê di hefteya dawî de artêşa Rûsyayê bi hezar û 310 bombeyên rênîşander, zêdeyî 1000 balafirên bêmirov û 9 cureyên moşekan êrîşî Ukraynayê kir.
Zelenskiy da zanîn ku wan derbarê êrîşên Rûsyayê de agahî gihandine welatên hevpeyman û li benda bertekekê ne û got ku Rûsya şer dirêj dike.
