Hatûçûna deriyê Îbrahîm Xelîl rawestiya
PeyamaKurd – Di sîstema pasaport a li deriyê sînor ê navbera Herêma Kurdistan û bakurê Kurdistanê de pirsgirêk hene û ji ber wê jî hatûçûna geştyarî û bazirganî hat rawestandin.
Îro, (18.03.2025) beşa peywendî û ragihandina deriyê navnetewî yê Îbrahîm Xelîl daxuyaniyek derbarê rawestana hatûçûna navbera Herêma Kurdistan û Bakurê Kurdistan de deriyê Xabûrê ragihand û diyar kir:
“Îro li deriyê sînor ê Xabûr pirsgirêkeke teknîkî li sîstema pasaportê de çêbûye, ji ber wê jî hatûçûna geştyarî û bazirganî di navbera herdu deriyên Îbrahîm Xelîl û Xabûr de rawestiya.”
Herweha hat ragihandin ju serpereştê deriyê sînor ê Îbrahîm Xelîl serdana deriyê Xabûr kiriye û hewldanên ji bo çareserkirina pirsgirêkê berdewam in û dê demekî kurt de çareser bibe.
Ev nivîs 48 car hatiye xwendin.
