Hewlêr di Cejna Qurbanê de li benda 300 hezar turîstan e

PeyamaKurd – Paytexta Herêma Kurdistanê, Hewlêrê, di roja yekem a Cejna Qurbanê de bi hatina hejmareke mezin a geştiyaran re bû navenda balê.

Sîrwan Tewfîq, rêveberê bazarkirinê yê Desteya Geştiyariyê ya Hewlêrê, ragihand ku li bendê ne di cejna îsal de zêdetirî 300,000 geştiyar werin Herêma Kurdistanê, li gorî 220,000 geştiyaran sala borî.

Tewfîq zêdebûna geştiyaran bi hêsankirina prosedurên ketinê, baştirkirina karûbarên geştiyariyê û amadekirina deverên dîrokî û rekreasyonê ve girê da. Park, navendên kirînê û kolanên Hewlêrê bi mêvanên ji Iraqê û welatên cîran tijî ne.

Geştiyarên wekî Ehmed Selman ji Bexdayê û Sara ji Besrayê organîzasyona baş û mêvanperweriyê pesn Kurdistanê dan û Mihemedê ji Necefê tekez kir ku Hewlêr ji bo hemî temenan vebijarkên şahiyê yên ewle pêşkêş dike.

 

Ev nivîs 84 car hatiye xwendin.