Kerkûk | Ji ber tozbarînê 119 kesan serî li nexweşxaneyan da

PeyamaKurd - Rêvebiriya Tenduristiyê ya Kerkûkê ragihand ku ji ber tozbarîna ji şeva borî ve 119 kes nexweş ketine û serî li nexweşxaneyan dane.

Li Kerkûkê doh danê êvarê ji ber tozbarînê gelek kes rûbirûyî astengiya bêhnkişandinê hatin û çûn nexweşxaneyan.

Hate ragihandin ku 119 kesên ku bo nexweşxaneyan hatine veguhestin tedawiya pêwîst wergirtine.

Berdevkê Rêvebiriya Tenduristiyê ya Kerkûkê Saman Yaba da zanîn, piraniya kesên ku serî li nexweşxaneyan dane li navenda bajêrê dijîn.

Hate diyarkirin ku bandora tozbarînê ku ji doh danê sibehê ve dest pê kiribû, îro ji ser bajêr çûye û hewa paqij bûye.

Ev nivîs 64 car hatiye xwendin.