Fînalên Euro Cup û Copa America diyar bûn: Spaniya - Brîtanya û Arjentîn - Kolombiya

Fînalên Euro Cup û Copa America diyar bûn: Spaniya - Brîtanya û Arjentîn - Kolombiya

Peyama Kurd – Piştî ku Brîtanya di Euro Cup 2024'an de Hollandê 2-1 û Kolombiya jî Ûrûgûayê 1-0 têk bir fînalîstên fînala her dû kûpan jî diyar bûn.

Di maça Brîtanya û Hollandê ya nîve fînalê ku li Dortmunda Almanyayê hate leyztin de, Hollandê di xuleka 7an de bi gola Xavi Simons a ji derveyî qada cezayê avête, 1-0 kete pêş.

Di xuleka 15an de Brîtanya penaltî qezenc kir û Harry Kane penaltiyeke wek guleyê avêt û maç bû 1-1.

Nîveka duyemîn a pêşbirka ku nîvê wê 1-1 bi dawî bû, heta xuleka 90î 1-1 ma. Di xuleka 90î de Ollie Watkins gola ku Brîtanyayê xiste pêş avêt û welatê xwe derxiste fînalê.

Ûrûgûay têk çû

Di maça nîvefînalê ya Copa Americayê de jî Ûrûgûay û Kolombiya hatin hemberî hev.

Di maça ku li Stadyuma Bank of Americayê hate leyztin de Kolombiya, bi gola ku di xuleka 39an de avêt bi ser ket û derkete fînalê.

Kelecana fînalê: Yekşem û Duşem

Di vê havîna 2024an ku ji ber kûpayên du parzemînan di heman demê de hatin organîzekirin de hezkiriyên fûtbolê kelecaneke bêhempa jiyan.

Piştî vê kelecana gelemper, roja yekşem û duşemê wê hezkiriyên fûtbolê bekevin bêhnvedanê.

Maça fînalê ya Euro Cup 2024an roja Yekşemê di navbera Spanya û Brîtanya, ya Copa Amerîkayê jî roja duşemê di navbera Arjentîn û Kolombiyayê de tê leyztin.

Ev nivîs 58369 car hatiye xwendin.