Fînalîstên yekem ên Copa America û Euro Cupê: Arjentîn û Spanya
PeyamaKurd – Şeva borî hezkiriyên fûtbolê, şeveke bi kelecan jiyan.
Di Copa America û Euro Cupê de fînalîstên yekem diyar bûn.
Di maça Spanya û Fransayê ya nîvefînala Euro Cup 2024an de Fransa, li gel stêrkê xwe yê navdar Kylian Mbappê jî, li ber xwe neda û Spanya bi fûtboleke serkeftî maçê 2-1 qezenc kir û derkete fînalê
Di maça ku nûstêrkê Barcelona yê 16 salî Lamine Yamal, bi goleke bedew skorê diyar kir de parastina Spanyayê rê neda Mbappê.
Maça ku wê fînalîsta duyem a Euro Cup 2024an diyar bike, îşev, di demjimêr 22:00yan de, di navbera Brîtanya û Hollandê den de tê leyztin.
Messi yekem gola xwe ya Copa America 2024an avêt
Di Copa Americayê de jî maça ku fînalîstê yekem diyar kir, di navbera Arjentîn û Kanadayê de hate leyztin.
Di vê maça ku Arjentin bi her awayî hêza xwe nîşan da de Kanada 2-0 têk çû.
Di maçê de Messi, gellek hewlên golê da, lê belÊ tenê yek ji wan bi encam bû û bi vî awayî Messi di vê tûrnûvayê de jî gola xwe avêt.
Maça ku wê fînalîsta duyem a Copa America 2024an diyar bike, îşev di demjimêr 03:00yan de, di navbera Kolombiya û Ûrûgûayê de tê leyztin.
Di 2 rojan de 2 fînal
Piştî maçên Euro Cup û Copa Americay yên ku wê fînalîstên duyem diyar bikin, wê hezkiriyên fûtbolê di 2 rojan de 2 fînalan temaşe bikin.
Maça fînala Euro Cup 2024an, wê êvara yekşema bê, di demjimêr 22:00yan de û ya fînala Copa Americayê jî di demjimêr 03:00ê şeva duşemê bêne leyztin.
Ev nivîs 59257 car hatiye xwendin.
