بەرنامەی پاداشت بۆ دادپەروەری سەر بە وەزارەتی دەرەوەی ئەمریکا خەڵاتی تا دە ملیۆن دۆلاری بۆ کەسانی زانیاری لەسەر عەلی قەسیر، بەرپرسی باڵای تۆڕی دارایی و چالاکییە داراییەکانی حیزبوڵڵای پەیوەندیدار بە سپای قودسی سوپای پاسدارانی ئێران ڕاگەیاند.

لە بەرنامەکەدا ڕوونی کردەوە کە قەسیر وەک نوێنەری حیزبوڵڵا لە ئێران و نێوەندگیری سەرەکی بۆ چالاکییە دارایی و بازرگانییەکانی نێوان حیزب و سپای قودس خزمەت دەکات. هاوکات کوڕەزای محەممەد قەسیرە کە بەرپرسێکی دیاری حزبوڵایە.

گوایە عەلی قەسیر "گرووپی تەلەقی" بەڕێوەدەبات، پەیوەندی بە حزبوڵڵای لوبنانەوە هەیە و سەرپەرشتی ناردنی نەوتی ئێران دەکات و دانوستان لەسەر نرخی کاڵاکان دەکات و پارەدانەکان یەکلایی دەکاتەوە. هەروەها لە ئاسانکاری ناردنی نەوت لە ڕێگەی تانکەری ئادریان دەریا 1 بۆ سوپای قودس بووە و نوێنەرایەتی کۆمپانیای "هۆکۆل ئەلبەهاریە"ی لوبنانی لە دانوستانەکانی پێدانی نەوتی ئێران بۆ سووریا دەکات. لە بەرنامەکەدا ئاماژە بەوە کراوە کە وەزارەتی خەزێنەی ئەمریکا لە ساڵی ٢٠١٩ بە پێی فەرمانی جێبەجێکاری ١٣٢٢٤ عەلی قەسیری وەک "تیرۆریستێکی جیهانی" دەستنیشان کردووە و سەروەت و سامانەکەی لە ئەمریکا بلۆک کردووە و مامەڵەی ئەمریکییەکانی لەگەڵ قەدەغە کردووە. هۆشداریشیدا لەوەی هەر پاڵپشتییەکی ماددی یان لۆجستیکی بۆ حیزبوڵڵا تاوانێکە کە بەپێی یاساکانی ئەمریکا سزا دەدرێت.

لینا ڕەشید - لوبنان

ئەم بابەتە 33 جار خوێندراوەتەوە