پەیامی کورد   ...   چەند مووشەكێكی جۆری كاتیووشا لە فڕۆكەخانەی كەركووك و گەڕەكی عرووبەی شارەكە كەوتنە خوارەوە

ئەمشەو دەنگی دوو تەقینەوە لەناو كەركووك بیستران. بەگوێرەی زانیارییەكان چەند مووشەكێكی كاتیووشا ئاڕاستەی فرۆکەخانەی كەركووك و گەڕەکی عرووبەی شارەکە کراوە.

دوو مووشەك لە فرۆکەخانەکە کەوتوونەتەوە خوارەوە و بەپێی زانیارییەكان کارمەندێکی فرۆکەخانەکە بە سووکی برینداربووە و هیچ زیانێکیش بەر بینا و باڵەخانەکانی فڕۆکەخانە نەکەوتووە.
 
یەكی دیکەش لە گەڕەكی عرووبە لە نزیک مزگەوتی (اللە  اکبر) كەوتۆتە خوارەوە و بەر بینای خانوویەک کەوتووە و جگە لە زیانی ماددی هیچ زیانێکی گیانی نەبووە.