AK Partî ji bo fermîkirina roja Newrozê wekî cejneke dewletên Tirkî kete tevgerê
PeyamaKurd – Serokomarê Tirkiyeyê Recep Tayyip Erdogan, di merasîma 21ê Adarê ya Cejna Newrozê ya Stenbolê de, gotibû, ew dê xebatên bo fermîkirina roja Cejna Newrozê bidin destpêkirin.
Li gorî nûçeya medya Tirkiyê, koma partiya Erdogan AK Partî ya parlamentoyê ji bo fermîkirina Newrozê piştî betlaneya Cejna Remezanê xebatên xwe dide destpêkirin.
Çavkaniyên AK Partiyê ragihandine ku niha li welatên Kirgizisyan, Tacikistan, Turkmenistan, Qazaxistan, Ozbekistan û Azerbaycanê betlaneya fermî ya Newrozê berdewam dike û Tirkiye jî hewl dide ew cejn ligel cîhana Tirkî bibe cejneke hevpar.
Hate diyarkirin ku wê xebatên bo fermîkirina cejna Newrozê ji aliyê Cîgirê Berpirsê Pêwendiyên ligel Dewletên Tirkî yê AK Partiyê Kurşad Zorlu ve bê meşandin.
Hêjayî bibîrxistinê ye, neteweperestên Tirk Newrozê ango bi navê Nevruz wekî cejna derketina Tirkan ji Ergenekonê pênase dikin û pîroz dikin.
Ev nivîs 65 car hatiye xwendin.
