Di hevdîtina Erdogan û Pûtîn de peyama ji bo HSDyê
PeyamaKurd – Serokkomarê Tirkiyeyê Recep Tayyîp Erdogan bi Serokê Rûsyayê Pûtîn re bi telefonê axivî.
Di daxuyaniyê de ku li ser Xê hat dayîn, hat diyarkirin ku di hevdîtinê de têkiliyên dualî yên di navbera Tirkiye û Rûsyayê de, mijarên herêmî û cîhanî hatin gotûbêjkirin.
Di hevdîtinê de Erdogan diyar kir ku di çareserkirina pirsgirêkên herêmê de hevkariya Tirkiye û Rûsyayê girîngiyeke sereke ye, Tirkiye pêvajoya ku ji bo bidawîkirina şerê di navbera Rûsya û Ûkraynayê de hatiye destpêkirin ji nêz ve dişopîne û ji bo aştiyeke bi rûmet û mayînde jî di nav de mêvandariya hevdîtinên aştiyê Tirkiye amade ye her cure piştgiriyê bide.
Di daxuyaniyê de hat destnîşankirin ku Erdogan di hevdîtinê de diyar kir ku “Tirkiye girîngiyê dide hevkariya bi Rûsyayê re di mijara Sûriyeyê de, girîng e ku Tirkiye û Rûsyayê bi hev re ji bo bidestxistina aştî û aramiya daîmî ya li ser esasê yekparçeyiya axa Sûriyeyê pêk bînin, Tirkiye û Rûsya dikarin bi hev re hewl bidin ku yekitiya Sûriyeyê têk bibin û cudakariya etnîkî û mezhebî ya li dijî Sûriyeyê bi temamî ji holê rakin.”
Daxuyaniyê weha dewam kir:
Ev nivîs 54 car hatiye xwendin.“Serokkomar Erdogan diyar kir ku divê çavkaniyên Sûriyeyê ji rêveberiya Sûriyeyê re bê hiştin, Tirkiye piştgiriyê dide hilweşandina hêzên Sûriyeyê yên bi navê ‘Hêzên Sûriyeya Demokratîk’ di nava rêveberiya navendî de û ji bo aramiya Sûriyeyê girîngiyeke jiyanî ye ku Sûriye êdî ji bo rêxistinên terorê ne herêmeke guncaw e.”
