Nûnerê Taybet ê Trump Witkoff Serdana Rûsyayê dike: Tê payîn ku bi Pûtîn re bicive
PeyamaKurd – Nûnerê Taybet ê Serokê Amerîkayê Donald Trump Steve Witkoff çû Rûsyayê û tê payîn ku îro bi Serokê Rûsyayê Vladîmîr Pûtîn re bicive.
Rûsya û Amerîka têkilî û destpêşxeriyên xwe yên ji bo çareseriya krîza Ukraynayê didomînin.
Malpera nûçeyan a Axios ku navenda wê li Amerîkayê ye, ragihand ku nûnerê taybet ê Serokê Amerîkayê Donald Trump li Rojhilata Navîn Steve Witkoff li ser rêya Rûsyayê ye û tê çaverêkirin ku bi Serokê Rûsyayê Vladimir Putin re bicive.
Çavkaniyên ku ji Axios re axivîn diyar kirin ku hevdîtina Putin û Witkoff dibe ku îro pêk were.
Çavkaniyên li ser daneyên platforma şopandina trafîka hewayî Flightradar diyar kirin ku balafira Witkoff ber bi Rûsyayê ve bi rê ket.
Axios destnîşan kir ku ev ê bibe sêyemîn hevdîtina Pûtîn û Witkoff.
Witkoff herî dawî di 13ê Adarê de çûbû Moskowê û li ser awayên çareserkirina krîza Ukraynayê bi Putin û rayedarên din ên Rûsyayê re şêwirîn.
