Netanyahu NY bi derewan tawanbar kir
PeyamaKurd - Serokwezîrê Îsraîlê Benjamin Netanyahu îdîa kir ku Neteweyên Yekbûyî (NY) piştî ku ragihand ku hikûmeta Tel Avîvê rê nedaye alîkariya mirovî bikeve Xezeyê, "derewan" kiriye.
Li gorî rojnameya Yedioth Ahronot, di serdana Baregeha Hewayî ya Ramonê li başûrê Îsraîlê de, Netanyahu îdîa kir ku NY "derewan" li ser Îsraîlê çêdike.
Wî îdîa kir ku hikûmeta Îsraîlê, ku rê li ber ketina alîkariya mirovî bo Xezeyê digire û dibe sedema birçîbûna sivîlan, rê dide ku "mîqdarên herî kêm" ên alîkariyê bikevin herêmê.
Netanyahu îdîa kir ku ew êrîşan dikin da ku Hamasê "ji holê rakin" û girtiyên Îsraîlî azad bikin, û ew ê êrîş û danûstandinan bidomînin da ku van armancan bi dest bixin.
Netanyahu got, "Çi rêyek ku em hilbijêrin jî, em ê neçar bimînin ku rê bidin ketina mîqdarek herî kêm a pêdiviyên mirovî, û ev tiştê ku me heta niha kiriye ye."
Ev nivîs 14 car hatiye xwendin.
