Wê Hakan Fîdan li Parîsê bi Barrot re bicive: Mijara HSDê li ser maseyê ye

PeyamaKurd – Hate ragihandin ku Wezîrê Derve yê Tirkiyeyê Hakan Fîdan serdana Fransayê dike û li Parîsê bi hevtayê xwe yê Fransî re danûstandinan li ser rewşa Sûriyeyê û şerê Ukrayna, şerê Xezeyê û çend pirsên din dike.

Medya fermî ya Tirkiyê bi zarê çavkaniyên Wezareta Derve ya Tirkiyeyê ragihand ku Wezîrê Derve yê Tirkiyeyê Hakan Fîdan îro (2yê Nîsanê diçe Parîsê û bi Wezîrê Derve yê Fransayê Jean-Noel Barrot re dicive.

Hate ragihandin ku mijarên sereke yên hevdîtinê rewşa Sûriyê, şerê Rûsya û Ukraynayê, ewlehiya Yekîtiya Ewropayê û pêwendiyên Tirkiye û Yekîtiya Ewropayê ne.

Hêjayî gotinê ye, Tirkiye û Fransa li ser Sûriyeyê xwedî dîtinên cuda ne û Tirkiye Hêzên Sûriyeya Demokratîk (HSD) wekî rêkxistineke terorîstî dibîne lê Fransa HSDê wekî hevpeymanên xwe di rûbirûbûna DAIŞê de dibîne.

Serokomarê Fransayê Emmanuel Macron beriya niha gotibû, ew dê piştevaniya HSDê bernedin û dive HSD tevlî artêşa Sûrıyeyê bibe.

Piştî lihevkirina hikûmeta Sûriyê ya veguhêz û HSDê tê çaverêkirin ku di hevdîtina herdu wezîran de mijar cardin di navbera Tirkiye-Fransayê were gotûbêjkirin û Tirkiye jî di nêrîna xwe de nerm bibe.

Ev nivîs 61 car hatiye xwendin.