Ji ber êrişan karmendên NYyê nikarin biçin Minbic û Kobanê

PeyamaKurd – Neteweyên Yekbûyî ragihand ku karmendên wê ji ber rewşa ewlehiyê nikarin xwe bigihînin Minbic û Kobanê.

Ofîsa Kar û Barên Mirovî ya Neteweyên Yekbûyî (NY) ragihand ku rewşa li Bakur û Rojhilatê Sûriyeyê hîna jî zehmet e ji bo 40 hezar kesên ku li 215 navendên rewşên awarte dimînin.

Ofîsa NYyê diyar kir ku ji ber cê rewşa ewlehiyê 2 hefte ye ku karmendên wê nikarin xwe bigihînin bajarên Kobanê û Minbicê.

Ofîsê her wiha destnîşan kir ku rewşa tevlihev a li Rojavayê Kurdistanê xebatên mirovî asteng dike.

Nûnerê NYyê Sûriyeyê Geir Pedersen gotibû nedîtina çareseriyeke siyasî di navbera HSD û çekdarên ANSyê yên bi ser Tirkiyeyê ve encamên xerab ji bo tevahî Sûriyeyê dê bi xwe re bînin.

Ev nivîs 32 car hatiye xwendin.