Ji bo rojên serjimêriyê hişyarî: Du rojan çûnûhatina Îranê qedexe ye

PeyamaKurd – Hişyarî hate dayîn ku di rojên serjimêriya giştî ya Iraqê û Herêma Kurdistanê de ku 20-21ê Mijdarê birêve diçe, bi rêy deriyên sînorî çûnûhatina Îranê qedexe ye.

Birêveberiya Deriyê Navdewletî yê Hacî Omeranê îro 19ê Mijdarê agahdariyek ji bo bazirgan, kompanî, geştiyar û welatiyan li ser her du rojên qedexeya çûnûhatinê ya di rojên serhejmêriya giştî de li Iraq û Herêma Kurdistanê parve kir.

Çar xalên di agahdariyê de hatine destnîşankirin wiha ne.

1.    Ji bo livîna bazirganî û hawirdekirin û hinardekirina kelûpelan, derî dê berdewam û asayî be û nayê daxistin.

2.    Ji bo çûna welatiyên Herêma Kurdistanê û Îraqê û biyaniyan ji Herêma Kurdistanê bo Îranê, derî dê bê daxistin û rê nayê dan.

3.    Ji bo vegeriyana welatiyên Herêma Kurdistanê û Îraqê ji Îranê bo Herêma Kurdistanê, derî dê vekirî be û dikarin vegerin.

4.    Ji bo hatina welatiyên Îranî û yên biyanî ji Îranê bo Herêma Kurdistanê, derî dê bê daxistin û rê pê nayê dan.

Ev nivîs 50 car hatiye xwendin.