Nêçîrvan Barzanî pêşwaziya Konsulê nû yê Îranê kir
PeyamaKurd – Îro sêşemî (24.12.2024) Nêçîrvan Barzanî bi minasebeta ku nû dest bi kar kiriye, pêşwaziya Konsulusê nû yê Îranê yê li Hewlêrê, Feremerz Esedî kir.
Li gor daxuyaniya Serokatiya Herêma Kurdistanê, Nêçîrvan Barzanî tekezî li ser piştevaniya Kurdistanê ji bo serkeftina erka wî ya nû ya konsuliyê kir.
Ji aliyê din ve, Konsulê Giştî yê nû yê Îranê, xweşhaliya xwe ji bo wergirtina erka xwe nîşan da û tekezî li ser giringiya Îranê ya di peywendiyên wê yên dirêj ên ligel Herêma Kurdistanê de kir.
Wî her wiha daxwaza Îranê ya ji bo berfirehkirina peywendiyên di warên curbicur de dûpat kir.
Di daxuyaniyê de hat gotin, “Di civînê de li ser geşedanên dawî yên herêmê, herdu aliyan ji nêrînên hevdu îstifade kir.”
Ev nivîs 32 car hatiye xwendin.
