پەیامی کورد   ...   ئاماری نوێی شەڕی هێندووستان و پاکستان؛ نزیکەی ٤٠ کوژراو هەن

بەپێی نوێترین ئامار کە بەرپرسانی هێندووستان و پاکستان بۆ میدیاکانیان ئاشکرا کردووە، نزیکەی ٤٠ کوژراو لە هەردوولا بەهۆی پێکدادانەکانی شەوی ڕابردوو هەن و ژمارەی بریندارانیش نزیکەی ١٠٠ کەسن.

ووتەبێژێک بەناوی وەزارەتی بەرگریی پاکستان بە ئاژانسی ڕۆیتەرزی ڕاگەیاندووە، لە هێرشەکەی سوپای هێندووستان دا بۆسەر ووڵاتەکەی، "٢٦ هاووڵاتی مەدەنی" کوژراون و ٤٧ی دیکەش بریندار بوون.

هاوکات بەرپرسێکی هیندستانیش بە ئاژانسەکەی ڕاگەیاندووە، لە هێرشی سوپای پاکستان بۆسەر "پۆلیسی هێندووستان لە کشمیر" ١٠ کەس کوژراون و ٤٨ی دیکەش بریندارن.

روڤێن ئازار، باڵیۆزی ئیسرائیل لە هێندووستان پاڵپشتی ووڵاتەکەی بۆ هێندووستان دەردەبڕێت و لە پۆستێکدا لە ئێکس نووسیویەتی، "ئیسرائیل پاڵپشتی مافی بەرگری لەخۆکردنی هیندستان دەکات. تیرۆریستان دەبێت بزانن کە هیچ شوێنێکیان نییە بۆ خۆشاردنەوە لەو تاوانە قێزەونانەی دژی خەڵکی بێتاوان دەیکەن”.