Almanya: "Divê saetên kar bên dirêjkirin"
PeyamaKurd - Wezîra Aboriyê ya Almanya Katherina Reiche pêşniyara dirêjkirina saetên kar kir. Berteka destpêkê ya li hember wezîr ji nav partiya wê, Yekîtiya Demokratên Xiristiyan (CDU) hat.
Di daxuyaniyekê de ku di rojnameya Frankfurter Allgemeine Zeitung de hat weşandin, Wezîr Reiche got ku divê Alman "dirêjtir û dijwartir bixebitin".
Reiche îdia kir ku guhertinên demografîk di civakê de û zêdebûna temenê jiyanê gavek wisa neçar kiriye, û ragihand, "Divê saetên kar bên dirêjkirin."
Reiche diyar kir, "Tenê du ji sêyan jiyana xwe ya mezinan bi xebatê derbas kirin û sêyeka mayî jî di teqawidbûnê de di demek dirêj de nayê domandin," û îdia kir ku rastiyên demografîk têne paşguhkirin.
Reiche herwiha destnîşan kir ku mirov li Dewletên Yekbûyî yên Amerîkayê salê bi navînî 1800 saetan dixebitin, li gorî 1340 saetan li Almanya û destnîşan kir ku pergala ewlehiya civakî pir bargiran e.
Yekem berteka li hember Wezîrê Aboriyê Reiche ji Christian Bäumler, Serokê CDA, baskê ked û civakî yê CDU ku Reiche endamê wê ye, hat. Bäumler diyar kir ku şîroveyên Recihe di peymana koalîsyonê ya bi Partiya Sosyal Demokrat (SPD) re de ti bingehek wan tune ye.
Bäumler diyar kir, "Wezîrek aboriyê ku rêjeya bilind a xebata demkî li Almanya, ku di encamê de saetên xebatê yên navînî yên salane kêm in, nas nake, ji bo vê pozîsyonê hilbijartina xelet e."
