DYA îznê da Ûkraynayê ku fuzeyên menzîldirêj li ser axa Rûsyayê bikarbîne
PeyamaKurd – Dewletên Yekgirtî yên Amerîkayê (DYA) ragihand ku îznê daye Ûkraynayê da fuzeyên menzîldirêj li ser axa Rûsyayê bikarbîne. Berpirsê Koşka Sipî John Kirby got ku ev îzin ji bo rewşên lezgîn yên bergiriya Ûkraynayê ye.
Rêvebiriya DYAyê cara yekeme ku daxwuyaniyekî weha fermî di mijarê de dide. John Kirby, di rêya telekonferansê de, brîfînga çapemeniyê da û rojeva şerê Rûsya-Ûkraynayê rave kir. Kirby got ku di mijarê de siyaseta xwe guhertine û weha dewam kir:
“Niha artêşa Ûkraynayê sîstemên fuzeyên bejayiyê yên taktîkî yên menzîla wan dirêj (ATACMS) di rewşa lezgîn de, ji bo parastina xwe dikarin bikarbînin û ev rewş li herêma Kurskê bicîh tê.”
Kirby, ragihand ku li ser bikaranîna fuzeyan wê zêde şiroveyan neke û got:
“Ûkraynî sîstema ATACMSan çawa bikaranîne, hedefên xwe çawa tesbît dikin û fuzeyan çawa bikartînin, ew dizanin.”
Ev nivîs 23 car hatiye xwendin.
