Li Amerîkayê proseya dengdana hilbijartinên seroktiyê birêve diçe: Harris yan Trump?
PeyamaKurd – Li Amerîkayê dengdana hilbijartinên seroktiyê ya ji bo hilbijartina 60emîn serokê Amerîkayê îro 5ê Mijdarê dest pê kir.
Di hilbijartinê de, zêdetirî 244 milyon hilbijêr mafê wan ê dengdanê heye. Di pêşdengdanê de jî 78 milyon welatiyên Amerîkî dengê xwe beriya niha bikar anîbûn.
Hilbijartina seroktiyê di navbera namzeda Partiya Demokrat Kamala Harris û namzedê Komariyan Donald Trump de derbas dibe.
Li gorî nûçeya Washington Postê ji bo proseya dengdanê bê pirsgirêk birêve biçe, tedbîrên tund hatine wergirtin û ji bilî bicihkirina hêzên ewlehiyê li navendên hilbijartinê bi kamerayan jî çavdêrî tê kirin.
Li hin bajarên Amerîkayê jî hêzên pasevanên netewî hatine bicihkirin da ku destwerdana her bûyereke nexwestî bikin.
Ev nivîs 104 car hatiye xwendin.
