Mezlûm Ebdî serkeftina Trump pîroz kir: ‘Hêvî dikim em wek berê bihevre bixebitin’

PeyamaKurd - Fermandarê Giştî yê Hêzên Sûriyeya Demokratîk (HSD) Mezlûm Ebdî li ser serkeftina hilbijartinên seroktiya Amerîkayê ya Namzedê Komariyan Donald Trump peyamek belav kir.

Mezlûm Ebdî pîrozbahî li Donald Trump kir û got: “Ez hêvî dikim ku em wekî berê bi hev re bixebitin. Ez ji bo bihêzkirina hevkariya me û pêkanîna aramiya herêmê amade me.”

Hêjayî gotinê ye, di hilbijartinên 5ê Mijdarê yên seroktiya Amerîkayê de, li gorî encamên nefermî Donald Trump li hember hevrika xwe ya Demokratan Kamala Harris serkeftineke mezin bi dest xist û piraniya delegeyên eyelatên Amerîkayê qezenc kirin.

Donald Trump di weşana zindî de serkeftina xwe bi gotinên, “Ez bûm serokê 47an, ez spasiya gelê Amerîkayê dikim”.

Ev nivîs 105 car hatiye xwendin.