Ehmed Şera li gel Erdogan civiya
PeyamaKurd – Serokkomarê demkî yê Sûriyeyê Ehmed Şera li Ofîsa Kar a Dolmabahçe ya Stenbolê bi Serokkomarê Tirkiyeyê Recep Tayyip Erdogan re civiya.
Civînê saet 14:00an de dest pê kir.
Di civînê de têkiliyên Tirkiye-Sûriyê û hebûna YPGê ya li Rojavayê Kurdistanê wê bên axaftin.
Di nav mijarên rojevê de zêdebûna êrîşên Îsraîlê yên li ser Sûriyeyê û rakirina dorpêçên Amerîkayê yên li ser Sûriyeyê hene.
Wezîrê Derve yê Tirkiyê Hakan Fîdan, Wezîrê Parastina Neteweyî Yaşar Guler û Rêveberê MÎTê Îbrahîm Kalin jî beşdarî hevdîtina Erdogan û Ehmed Şara bûn.
Derbarê hevdîtinê de hîn tu daxuyaniyek fermî nehatiye dayîn.
Ev nivîs 104 car hatiye xwendin.
