Hilbijartina serokkomariya Romanyayê ma tûra 2yan
PeyamaKurd – Piştî ku dengdana hilbijartinên serokkomariyê yên ku duh Romanyayê hatin kirin bi dawî bûne, encamê ji sindoqan hatine ragihandin. Li gorî encaman hatine weşandin, hilbijartin derbasî tûra 2yemîn bûye.
Tê diyarkirin ku tu namzetî nekarî ji sedî 50yî derbas bibe û ji ber vê yekê hilbijartin derbasî tûra 2yemîn bûye. Rêjeya beşdariya hilbijartinê, wekî ji sedî 52,4ê hatiye ragihandin.
Li gorî encaman, namzetê Partiya Sosyal Demokrat (PSD) û serokwezîr Marcel Ciolacu ji sedî 25ê dengan, Elena Lasconi ya seroka Partiya Yekîtiya Romanyayê Rizgar Bike (USR)ya lîberal a alîgira Yekîtiya Ewropayê ye, ji sedî 18ê dengan û namzetê serbixwe jî ji sedî 16ê dengan û Clin Georgescu, serokê partiya rastgira tundrew Yekîtiya Yekîtiya Romaniyan (AUR) jî ji sedî 15ê dengan wergirtiye.
Namzetê PSDyê Marcel Ciolacu encamên hilbijartinê wekî “piştgiriya ji bo polîtîkaya hevsengî û îstiqrarê” şîrove kiriye û spasiya hemû rayedaran kiriye tev li xebatên hilbijartinê bûne.
Her weha hate ragihandin ku ger piştî encamên fermî bên eşkerekirin tu berbijêr ji sedî 50yî dengan bi dest nexe, tûra duyemîn a hilbijartina serokomariyê dê 8ê kanûnê roja Yekşemê werin kirin.
Ev nivîs 23 car hatiye xwendin.
