Hîzbûllah û Hûsî ji bo serokê Hamasê peyamên sersaxiyê belav kirin
PeyamaKurd – Li ser kuştina serokê Hamasê Yahya Sinwar, Hîzbûllah a Lubnanê û Hûsiyên Yemenê peyama sersaxiyê belav kirin û xemgîniya xwe ragihandin.
Her dû rêxistin ragihandin ku piştî kuştina Sinwar di eniya berxwedanê de valahîyekî mezin çêbûye. Hîzbûllahê bi nivîskî weha got:
“Bi sedema şehadeta serokê Tofana Mescîdî Aqsayê, serokê siyasî yê buroya Hamasê, birayê me yê mucahîd Yahya Sinwar, em sersaxiyê dixwazin. Ji malbata wî re sebrê û sersaxiyê dixwazin. Sinwar emaneta Îsmaîl Heniyye hildigirt û li hemberê Îsraîlê û DYAyê radiwestiye.”
Konseya bilind ya siyasî ya Hûsiyan jî, di daxwuyaniya xwe ya sersaxiya Sinwar de got:
“Xwîna wî ya paqij wê berxwedana Fîlîstîniyan û ezma wan zêdetir bike û Siyonîstan bişewitîne.”
Ev nivîs 48075 car hatiye xwendin.
