Îstîxbarata Rûsyayê: Amerîka hewl dide Ermenistan dev ji welatên rojavayî bernede
PeyamaKurd – Servîsa Îstîxbarata Derve ya Rûsyayê (SVR - berê KGB) îdia kir ku Dewletên Yekbûyî yên Amerîkayê (DYA) ji bo ku Ermenistan riya Gurcistanê neşopîne û ji siyaseta xwe ya nêzîkbûna bi Rojava re dernekeve, lêkolîneke taybet daye destpêkirin.
Li gorî nûçeya ajansa nûçeyan a rûsî TASSê, di belgeyekê de ku nirxandinên îstîxbarata Ermenîstanê tê de ne, wiha hatiye gotin, “Agahiyên pêbawer eşkere dikin ku DYA bi berdewamkirina planên xwe yên bi navê demokratîkbûnê, hewl dide Ermenistanê bîne rê.”
Di belgeyê de hat gotin, “Lê belê hat îspatkirin ku ev pêkanîn li welat û herêmên din wêraniyê bi xwe re tîne. Dema ku Rojhilata Navîn, Amerîkaya Latîn û Afrîka bêhejmar mînakên vê yekê pêşkêş dikin, rewşa heyî ya Ûkraynayê mînaka herî berbiçav e. Amerîkiyan dest pê kiriye li ser wê yekê bifikirin ka çawa rê li ber derketina Êrîvanê ji riya bi navê demokratîk digirin, û ew riya derketinê di xurtkirina pergala desthilatdariya heyî ya Ermenîstanê de, ku têra xwe pêbawer e, bi riya lekeyên ceribandin û pêbawer dibînin.”
Li gorî derdorên demokratîkbûyînê yên DYAyê, di nav van de Partiya Komarê ya bi serokatiya Partiya Aram Sarkîsyan, Partiya ji bo Komarê ya Arman Babacanyan, Partiya Ermenistanê ya Ewropayê ya Tîgran Xizmalyan û Partiya Demokrat a Xiristiyan a Levon Şîrînyan hene.
Lê, li gor SVRê, Wezareta Derve ya Amerîkayê guman dike ku siyaseta Ermenistanê ya ji bo danîna têkiliyên nêzîk bi Rojava re neveger e. Rapora îstixbarata Rûsyayê nirxandina “Waşîngton di wê baweriyê de ye ku ermen bi demê re wê fêm bikin ku bi kêmkirina têkiliyên kevneşopî yên herêmî re rûbirûyê zirarinan bên ku dê bêtelafî bin, ji ber ku ew dizanin çawa pereyan baş îdare bikin.”
Di raporê de hat gotin, “Ji niha ve kampanyayeke siyasî ji bo piştgirîkirina partiyên alîgirê Rojava ji bo misogerkirina ketina meclisê di hilbijartinên 2026an de hatiye destpêkirin. Ew li ser şopa Gurcistana cîran dimeşe û berjewendî, kevneşopî û nirxên gelên ermenî yên rasteqîne nade pêş.”
Tê payîn ku hilbijartinên bê yên parlementoya Ermenistanê di sala 2026an de bên kirin.
Ev nivîs 30 car hatiye xwendin.
