Li Lubnanê ji malbateke Kurd 6 kes birîndar bûn
PeyamaKurd – Hate ragihandin ku 6 endamên malbateke Rojavayê Kurdistanê yên ji bajarê Amûdê bûne qurbaniyên êrîşekê li Lubnanê.
Beha El-Dîn Hesen, serokê Komeleya Xêrxwaziya Kurdî – Lubnanî ragihand, rewşa Kurdan li Lubnanê gelekî xerab e û malbat dibin qurbanî.
Hesen got, ew malbat welatiyên Lubnanî ne ku ji 100 salan ve malbatên Kurd li Lubnanê dijîn û bandora şer li ser hemûyan kiriye û ji alîkariyan bêpar hatine hiştin.
Li gorî zanyariyan heta niha 19 welatiyên Rojavayê Kurdistanê ji destpêka şer ve jiyana xwe ji dest dane ku piraniya wan ji Efrînê ne.
Ev nivîs 26 car hatiye xwendin.
