Li Los Anglesê di protestoyên dijî girtina koçberan de rewş aloz bû

PeyamaKurd– Li bajarê Los Angeles yê eyaleta Kalîforniya ya Amerîkayê, protestoyên dijî operasyonên destgîrkirina koçberan ên Daîreya Parastina Koçberî û Gumrukê (ICE) tundtir bûn û gihîştin asteke metirsîdar. Li ser van bûyeran, Serokê Amerîkayê Donald Trump Biryarnameyeke Serokatiyê îmze kir û bi vê biryarnameyê 2 hezar Parêzvanên Neteweyî ji bo bicihkirin li Los Angelesê şand. Ev gav, piştî êrîşên tundrewan li dijî karmendên ICE û hêzên ewlehiyê yên federal hat.

Berdevka Çapemeniyê ya Qesra Spî, Karoline Leavitt, di daxuyaniyekê de diyar kir ku Trump ji ber "bêqanûnîya ku destûr jê re hatiye dayîn ku mezin bibe" ev biryarname îmze kiriye. Leavitt destnîşan kir ku operasyonên dersînorkirinê ji bo ji holê rakirina metirsiyên heyî girîng in û ji bo rawestandin û paşvekişandina sûcdarên neqanûnî yên ku dikevin Dewletên Yekbûyî yên Amerîkayê pêwîst in.

Leavitt herwiha rexneyên tund li rêveberiya Demokratîk ya Kalîforniyayê girt û got ku ew berpirsiyariya xwe ya parastina welatiyan bi cih naynin. Wê tekez kir ku rêveberiya Trump polîtîkayeke bê tolerans li hember tevgerên sûcdar û şîdetê dimeşîne, nemaze yên ku li hemberî hêzên ewlehiyê ne. Leavitt da zanîn ku kesên tevlî sûcan bûne dê werin girtin û zû werin darizandin, û da zanîn ku Serfermandar dê bicîanîna tam û bêkêmasî ya qanûnên Dewletên Yekbûyî yên Amerîkayê misoger bike.

Ev nivîs 94 car hatiye xwendin.