Li Nîjerê êrîşê mizgeftê kirin: 44 kuştî û 13 birîndar hene

PeyamaKurd – Li welatê Afrîka Nîjerê li jîngeha Kokorouyê di êrîşa bi çekên giran ya ser mizgeftê de 44 kesên sîvîl mirin û 13 kes birîndar bûn. Piştî êrîşê dewletê bo 3 rojan şîn a netewî ragihand.

Wezareta bergiriyê ya Nîjerê ragihand ku bûyer li nêzî sînorê Burkina Faso û Maliyê, li bajarê Kokorou li gundê Fombitayê di wexta limêja nîvro ya duhî de qewimiye. Terorîstan bi çekên giran mizgeftê dorpêç kirine û li xelkê dane.

Wezaretê got ku di êrîşê de 44 kes mirine û 13 kesên birîndar hene û birînên wan xedarin. Piştî êrîşê, êrîşker, agir bera bazarekî û xaniyan dane û paşde vekişiyane.

Wezaretê reagihand ku ji êrîşê grûba EIGS ku bi DEAŞê ve girêdayiye berpirse.

Ev nivîs 38 car hatiye xwendin.