Dîplomatê Kurd bû balyozê Iraqê yê li Urdinê

PeyamaKurd – Dîplomatê Kurd 0mer Berzenci bû balyozê Iraqê yê li Urdinê. Berzencî berya Urdinê, li Lubnan, Romanya, Vatikan û Qatarê balyoz bû. Berzencî ragihand ku gihaye balafirxana Ammanê ya Urdinê û bi fermî dest bi karê xwe kiriye. Berzencî got:

“Ez di wextê sibê de giham payîtexta Urdinê Ammanê. Wezareta karên derve ya Iraqê wezîfa balyoziyê ya Urdinê dabû min û min dest bi balyoziya Iraqê ya li Urdinê kir.”

Omer Berzencî ji sala 2004an heya niha di wezareta karên derve ya Iraqê de dixebite û pisporê mafên mirovan û têkiliyên navdewletiye.

Serokkomarê Iraqê Latif Reşid, di 27ê Sermawezê de belga tayîna balyoziya Urdinê da Berzencî.

Ev nivîs 22 car hatiye xwendin.