Mesrûr Barzanî pêşwaziya Xemîs Xencer kir
PeyamaKurd – Serokwezîrê Herêma Kurdistanê Mesrûr Barzanî îro 29ê Gulanê pêşwazî li Serokê Hevpeymaniya Siyade li Encûmena Nûneran a Iraqê Xemîs Xencer kir.
Li gorî daxuyaniya ku ji aliyê Hikûmeta Herêma Kurdistanê ve hatiye belavkirin, di hevdîtinê de guftûgo derbarê rewşa giştî ya Iraqê û amadekariyên ji bo hilbijartinên Encûmena Nûneran a Iraqê de, ku biryar e di meha Mijdara îsal de bên kirin, hate kirin.
Di daxuyaniyê de her weha hate amajekirin, di beşeke din a hevdîtinê de, tekezî li ser girîngiya rêzgirtina li sîstema federalî, mafên hemû pêkhateyên Iraqê, qewareya destûrî ya Herêma Kurdistanê û şandina mafên darayî yên xelkê Kurdistanê hate kirin.
Ev nivîs 118 car hatiye xwendin.
