Tulay Hatimogulları: Em amade ne ku ji bo pêkanîna aştiyê erka xwe pêk bînin
PeyamaKurd – Hevseroka Giştî ya Partiya Wekheviya Gelan û Demokrasiyê (DEM) Tulay Hatîmogullari diyar kir ku serdema niha bi rast nêzîkbûna pêvajoyê serdema nivîsandina dîrokê ye û got, "Em amade ne ku hemû erk û berpirsyariyên xwe ji bo avakirina aştiyê pêk bînin."
Hatîmogullari di civîna koma partiya xwe ya ku roja Sêşemê 7ê Çileya 2025an li TBMMê hat lidarxistin de derbarê rojevê de axivî.
Hatîmogullari derbarê hevdîtina heyeta DEMê ya bi Abdullah Ocalan re jî got, "Em weke Partiya DEMê li pişt peyama dîrokî ya ku birêz Ocalan bi vekirina deriyê Îmraliyê ji hemû cîhanê re ragihandiye, hindik be jî, em amade ne. Di vê pêvajoyê de hemû erk û berpirsyariyên xwe yên ji bo avakirina aştiyê pêk bînin.”
Hatîmogullari diyar kir ku peyama Rêberê PKKê Abdullah Ocalan ne tenê ji bo siyasetmedaran di heman demê de hemû beşên civakî ye û got, "Di hevdîtinê de birêz Ocalan bal kişand ser lezgîniya aştiyê û hişyarî jî da. Ya herî girîng ji van hişyariyan ber bi Xezzeyê ve tê kirin, ku hiqûqa navneteweyî li wir bi dawî dibe û Rojhilata Navîn bûye xala sifir a mirovahiyê."
Tulay Hatimogullari di axaftina xwe ya li Diyarbekirê de anî ziman ku divê aştiya navxweyî li Tirkiyeyê pêk were û got, "An em ê aştiyê ava bikin, an jî wê her der Xezze be." Wê diyar kir ku daxuyaniya wê hatiye berevajîkirin û ev yek wekî "dezenformasyona kesên aştiyê naxwazin" nirxand.
Hatîmogullari got, "Divê li dijî aştiyê ti tevger neyê kirin" û bang li hemû partiyên siyasî yên li Meclîsê kir ku bi van gotinan tevkariyê li pêşdebirina pêvajoya aştiyê bikin.
“Çareserkirina pirsgirêka Kurd li ser bingeheke demokratîk wê dawî li siyaseta şer bîne, pêşî li nakokiyên neteweperest bigire û ya herî girîng jî mirinan bi dawî bike. Daxwaza herî mezin a me hemûyan ne aştî ye, xwîn raweste û mirin bi dawî bibe? Divê Tirkiye trêna aştiyê ji dest nede. Ji ber vê yekê em bang li hemû aliyên siyasî dikin ku werin û em trênê bidomînin.”
