Hêşînahiya Herêma Kurdistanê zêde dibe
PeyamaKurd – Ragihandina Herêma Kurdistanê derbarê kar û projeyên hawîrdorê yên hikûmetê ku di 5 salên borî de kiriye daxuyaniyeke nivîskî belav kir.
Di daxuyaniyê de hate gotin ku “Kabîneya 9em a hikûmeta Herêma Kurdistanê, di warê parastina jîngehê de gavên berbiçav avêtine, ji bo peydakirina hawîrdoreke paqijtir û planên xwe pêk anîne.”
Hate diyarkirin ku di vê serdemê de 14 hezar û 390 ruxsetên hawîrdorê hatine dayîn û zêdetirî 25 hezar proje ji bo pêpendbûna bi rêgezên hawîrdorê hatine şopandin. Her avakarekî van projeyan rastî cezayan hatiye ku ev qanûn binpê kirine.
Daxuyanî balê dikêşe ser rijbûna serokwezîr Mesrûr Barzanî ya pêbendbûna bi van projeyên hêşînahiya hawîrdorê û dibêje,
“Bi fermana Serokwezîrê Herêma Kurdistanê Mesrûr Barzanî, parzûngehên neqanûnî yên petrolê yên ku ne li gorî pîvanên jîngehê ne, demildest dê bi riyên qanûnî bên girtin.”
Ji ber ku av û hêşînahî û av bêyî hev nabin, daxuyaniya xebatên hawîrdorê ya hikûmeta Herêma Kurdistanê balê dibe ser “avakirina bendavan” û di vê barê de weha dibêje:
“Ji bo zêdekirina ewlekariya ava Herêma Kurdistanê, Hikûmeta Herêma Kurdistanê karê avakirina bendav û kanalan kiriye. 8 bendav hatine temamkirin, û çend bendav niha di qonaxa çêkirinê de ne ji bo parastina çavkaniyên avên bin erdê û pêşvebirina pêşveçûna çandiniyê.”
Her weha ji bo ku di krîzeke avê ya mihtemel de Herêma Kurdistanê tengasiyan nekêşe, tê destnîşankirin ku “Rêzikên hawîrdorê niha ferz dikin ku bi kêmanî % 25ê axê di projeyên veberhênanê de ji qadên kesk re were veqetandin. Wekî din, ji bo sazkirina pergalên paqijkirina avê yên bipêşketî hewce ye ku projeyên avê-dijwar werin saz kirin da ku miçiqîna çavkaniyê kêm bibin.”
Hêşînahî ji % 15ê gihîştiye % 18ê
Di dawiyê de weke encam tê diyarkirin ku “Bi van hewl û xebatên parastina hawîrdorê, rêjeya hêşînahiyê ya li Herêma Kurdistanê di serdema kabîneya 9em de ji % 15ê gihîştiye %18ê.”
Ev nivîs 105 car hatiye xwendin.
