Artêşa Îsraîlê li Lubnanê fermandarekî Hîzbullahê kuşt 

PeyamaKurd - Artêşa Îsraîlê bi daxuyaniyekê ragihand ku wan fermandarê Hizbullahê yê li bajarokê Yater ê li başûrê Lubnanê kuştiye.

Artêşa Îsraîlê ragihand, "Doh di êrîşeke li başûrê Lubnanê de fermandarê Hizbullahê yê li bajarokê Yaterê hat kuştin". 

Berdevkê artêşa Îsraîlê Avichay Adraee li ser medya civakî got ku kesê hatiye kuştin di dema şer de li dijî artêş û hêzên Îsraîlê plan çêdikirin û vê dawiyê jî hewla avakirina navenda xwe kiriye daku rêkeftina navbera Îsraîl-Hizbullahê binpê bike.

Wezareta Tendirustiyê ya Lubnanê jî ragihand ku droneke Îsraîlê doh êvarê (Sêşem), motorsîkletek bi 2 moşekan li devera Têr Herma ya bajarokê Yater kiriye armanc û di encamê de kesek hatiye kuştin. 

Ev nivîs 125 car hatiye xwendin.