Li Silêmaniyê mayîn bi karkeran de teqiya: 9 ji wan birîndar bûn

PeyamaKurd – Li navçeya Pencwênê ya Silêmaniyê, ji ber teqîna mayîneke serdema şer, 9 karkerên çandiniyê birîndar bûn. 3 ji birîndaran rewşa wan giran e û ew neqlî Silêmaniyê hatin kirin.  

Rêveberê Tenduristiyê yê Pencwênê Xalid Abdullah ji çapemeniyê re axivî û got ku bûyer îro sibê saet di 08:30an de li herêma çandiniyê ya bi navê Kêlo ya li deşta Pencwênê qewimî. Hat ragihandin ku karker dema ku mijûlî berhevkirina berhemên çandiniyê bûn, di madeneke kevin de teqiyan û birîndar bûn. 

Ebdullah got,

“Rewşa 3 ji birîndaran giran e û ji bo Xizmeta Lezgîn a Silêmaniyê hatine veguhastin. Rewşa şeşên din jî aram e û dermankirina wan li Nexweşxaneya Dewletê ya Pencwênê berdewam dike.”

Birîndaran diyar kir ku berî teqînê wan tiştekî kevn ê mîna mayînê dîtiye û dema ku ew lê lêkolîn dikirin ji nişkê ve teqiyaye.  

Hat ragihandin ku hemû karkerên birîndar niştecihên navçeyên Şarezûr û Seyidsadiq ên parêzgeha Silêmaniyê ne.

Her çiqas tedbîrên ewlehiyê li cihê bûyerê hatin zêdekirin jî, xebat hat destpêkirin da ku lêkolîn bê kirin ka teqemeniyên din li herêmê hene yan na.

Ev nivîs 110 car hatiye xwendin.